Tun hnaiah Dan hnawk tihna leh hmanlai Zawkbuk system chawi nun thar leh duhna a hluar sawt hle a. Mob Rule leh Rule of law a inbuan chho mek niin a lang. A duh thawh pheite chuan dan hian misual a vulh lian a, khawtlang a ti ralti ti hialte an awm a. Tlangchil leh Tlangsawi an tih angte kha rawn sawi mam chho an tam ta viau. Chung chuan kan tunlai thil awmzia a nih tawh avangin he lehkhabuah hian Mizo lalte thubuai rem dan kha a lai tawk reng em, hnamchawm te tan dikna a par vul em, khawtlang nun a ralmuang tak meuh em tih zawng zawngte kha he lehkhabuah hian chik taka zir chian an ni a. Chhanna pe nghal mai lovin, a chhiartu ten thutlukna an siam theihna turin zawhna a zawt let zui nghal bawk a ni.
Dr. K. Remruatfela
He lehkhabu ziaktu Dr. K. Remruatfela hi thiamna lamah chuan M.A. (Public Admin); LL.M (Corporate Law) leh Ph.D (Copyright Law) niin tunah hian Gauhati High Court, Aizawl Bench hnuaia Judicial Court hrang hrangah Advocate hna a thawk mek a ni. Lehkhabu ziah lama tui tak niin lehkhabu 20 a rawn ti chhuak tawh a. Tunah hian a nupui fanau nen Luangmual, Aizawl-ah an cheng mek a ni.
View Full Profile
